របៀបធ្វើម៉ឺនុយ QR សម្រាប់ភោជនីយដ្ឋាន ក្នុង ៥ នាទី (ឥតគិតថ្លៃ)

ជំហានៗងាយៗ ដើម្បីធ្វើម៉ឺនុយ QR ឌីជីថល៖ បញ្ចូលម្ហូប តម្លៃ រូបភាព ជ្រើសគំរូ ហើយបោះពុម្ព QR ដាក់លើតុ។ ភាសាខ្មែរ អង់គ្លេស ចិន។

ម៉ឺនុយ QR កំពុងពេញនិយមនៅភោជនីយដ្ឋាន និងហាងកាហ្វេនៅកម្ពុជា ព្រោះភ្ញៀវមើលម៉ឺនុយបានលឿន ហាងមិនចាំបាច់បោះពុម្ពម៉ឺនុយថ្មីរាល់ពេលប្តូរតម្លៃ ហើយភ្ញៀវបរទេសអានជាភាសារបស់គេបាន។ នេះជារបៀបធ្វើម៉ឺនុយ QR ក្នុងរយៈពេលប្រហែល ៥ នាទី។

ជំហានទី ១៖ បង្កើតគណនីឥតគិតថ្លៃ

ចុះឈ្មោះដោយលេខទូរស័ព្ទ ឬអ៊ីមែល។ មិនចាំបាច់កាតធនាគារ។ គម្រោងឥតគិតថ្លៃ ប្រើបានជារៀងរហូត។

ជំហានទី ២៖ ដាក់ឈ្មោះហាង និងជ្រើសគំរូ

ជ្រើសគំរូដែលសមនឹងហាងរបស់អ្នក៖ "កាហ្វេ" សម្រាប់ហាងកាហ្វេ "អាហារតាមផ្លូវ" សម្រាប់ហាងបាយ "អង្គរមាស" ឬ "រាត្រី" សម្រាប់ភោជនីយដ្ឋានប្រណីត។ គំរូនីមួយៗមានពណ៌ ៣ ប្រភេទ និងប្លង់ ៣ បែប។

ជំហានទី ៣៖ បញ្ចូលម្ហូប និងតម្លៃ

  • បង្កើតប្រភេទ ដូចជា "អាហារពេញនិយម" "អាហារពេលព្រឹក" "ភេសជ្ជៈ"។
  • បញ្ចូលឈ្មោះម្ហូបជាភាសាខ្មែរ (និងអង់គ្លេស ឬចិន បើចង់) និងតម្លៃជាដុល្លារ។ យើងគណនារៀលជូន។
  • ម្ហូបដែលមានទំហំច្រើន (តូច/ធំ, M/L) បញ្ចូលតម្លៃតាមទំហំនីមួយៗ។
  • ដាក់ស្លាក "ពេញនិយម" "ហឹរ" "បួស" ឬ "ថ្មី" ដើម្បីជួយភ្ញៀវជ្រើស។

ជំហានទី ៤៖ ដាក់រូបភាពម្ហូប

រូបភាពជួយឲ្យភ្ញៀវកម្មង់ច្រើនជាងមុន។ ថតរូបដោយទូរស័ព្ទ នៅកន្លែងមានពន្លឺធម្មជាតិ ហើយបញ្ចូលភ្លាមៗ។ យើងបង្រួមរូបឲ្យស្រាលដោយស្វ័យប្រវត្តិ ដើម្បីឲ្យម៉ឺនុយបើកលឿន។

ជំហានទី ៥៖ បោះពុម្ព QR ដាក់លើតុ

ចូល "QR និងបោះពុម្ព" ហើយជ្រើស៖

  • ផ្ទាំងរូប A4/A5 សម្រាប់ដាក់នៅតុគិតលុយ ឬមាត់ទ្វារ។
  • កាត QR តាមលេខតុ (តុ ១ ដល់ ១០០) ពេលភ្ញៀវកម្មង់ លេខតុត្រូវបានភ្ជាប់ជាមួយការកម្មង់។
  • រូប QR PNG ដែលមានឡូហ្គោហាងនៅកណ្តាល សម្រាប់ដាក់ក្នុង Facebook ឬបោះពុម្ពផ្ទាល់ខ្លួន។

គន្លឹះ

  • QR មិនផ្លាស់ប្តូរទេ ពេលអ្នកកែតម្លៃ ឬបន្ថែមម្ហូប។ បោះពុម្ពតែម្តង។
  • ចុច "មាន / អស់" ពេលម្ហូបអស់ ដើម្បីកុំឲ្យភ្ញៀវកម្មង់។
  • ដាក់ឈ្មោះ និងពាក្យសម្ងាត់ Wi-Fi ក្នុងម៉ឺនុយ ភ្ញៀវមិនចាំបាច់សួរបុគ្គលិក។
  • ដាក់តំណម៉ឺនុយនៅក្នុង Facebook Page និង Google Maps របស់ហាង។

ចាប់ផ្តើមជាមួយ KH Page

ឥតគិតថ្លៃ ក្នុង ៥ នាទី

ចាប់ផ្តើម

អានបន្ថែម